Transmetuesi kombëtar i Japonisë NHK ka llogaritur humbjet potenciale ekonomike në këtë vend, nga vetëvrasjet, duke thënë se ato shkojnë në rreth 4 miliardë dollarë në vit.
Siç shkruajnë mediat e huaja, përcjell Telegrafi, llogaritja bazohet në 23.000 viktimat vetëvrasëse në vitin 2015, të moshës nga 15 deri 69 vjet, të cilët kishin jetuar dhe punuar deri në të shtatëdhjetat e tyre.
Shifrat nga Ministria japoneze e Shëndetësisë, Punës dhe Mirëqenies tregojnë se ka pasur më shumë se 30.000 vetëvrasje në vit, që nga viti 1998.
Statistikat kanë treguar gjithashtu se shumica janë njerëz që vuajnë nga problemet shëndetësore, financiare, apo familjare.
Vitin e kaluar, numri ka rënë nën 22,000 për herë të parë në 22 vjet. Më shumë se 15.000 burra dhe gati 6,800 gra kanë vrarë veten, kanë thënë autoritetet.
Rënia në nivelin e vetëvrasjeve i atribuohet një ligji të rishikuar për kundërmasa vetëvrasëse që u vu në fuqi fuqi prillin e kaluar. Në vitin 2005, Japonia kishte krijuar një shtab për parandalimin e vetëvrasjes.
Ky vend ka një nga mesataret më të larta të jetëgjatësisë në botë, në 83.3 vjet, si dhe normat më të larta vetëvrasjeve. /Telegrafi/