Pas shfaqjes së rasteve të para të variantit Omicron në Kosovë, Ministria e Shëndetësisë ka dalë me një thirrje për qytetarët.
MSH-ja ju bënë thirrje qytetarëve të vaksinohen pasi që vaksinimi kundër COVID-19, është mënyra e vetme dhe efektive për tu mbrojtur nga ky virus.
Sipas Ministrisë së Shëndetësisë imuniteti i krijuar nga infektimi me virusin COVID-19, mund të mos jetë i mjaftueshëm për tu mbrojtur nga ri-infektimi.
Në kuadër të kësaj qytetarëve iu bë thirrje edhe për respektimin e masave në fuqi për parandalimin e përhapjes së kësaj sëmundje.
“Imuniteti i krijuar nga infektimi me COVID-19 mund të mos jetë i mjaftueshëm për t’u mbrojtur nga ri-infektimi, prandaj vaksinimi mbetet mënyra më efektive për t’u mbrojtur nga COVID-19. MSh u bënë thirrje që t’i zbatoni masat në fuqi dhe të të vaksinoheni”, thuhet në postimin e MSH-së në Facebook. /Telegrafi/
