Kompania që merret me prodhimin e veshjeve sportive Asics, ka kërkuar falje pasi që në ekranet e dyqanit të tyre në Oakland në Zelandën e Re, për disa orë me radhë janë shfaqur filma pornografikë.
Këto materiale pornografike janë shfaqur në ekranet e vendosur në vitrinat e dyqanit, derisa punonjësit e kuptuan se për çfarë bëhej fjalë me të mbërritur në vendin e punës në orët e para të mëngjesit – të cilët reaguan menjëherë.
Kjo kompani japoneze ka bërë të ditur se hakerët ishin futur në sistemin e tyre dhe kishin vendosur materiale me përmbajtje eksplicite.
“Duam t’ju kërkojmë falje të gjithëve për atë që kanë mundur të shohin”, thuhej ndër tjera në komunikatën e kompanisë.
Në Facebook, Asics ka shkruar se “persona të panjohur kanë pasur qasje në sistemin që kyç ekranet në dyqan në Oakland, dhe se kanë publikuar filma për të rritur”.
“Jemi duke punuar me bashkëpunëtorët tanë që softueri ynë online të jetë më i sigurtë dhe që një gjë e tillë të mos përsëritet”, thuhej ndër tjera.
Materiale pornografike ishin shfaqur për më shumë se nëntë orë, derisa punëtorët që u shfaqen në mëngjes për ta hapur lokalin e panë se çfarë po ndodhë. /Telegrafi/