Kryetari i Deçanit, Bashkim Ramosaj ka dhënë një lajm të mirë sa i përket qytetarëve të prekur me COVID-19 në këtë komunë.
Ramosaj ka bërë të ditur se nga 43 raste pozitive, 15 qytetarë janë shëruar duke mbetur kështu vetëm 28 raste aktive.
“Sot në komunën tonë u konfirmuan edhe dy (2) raste pozitive me #COVID19. Një (1) rast nga fshati Baballoq dhe një (1) rast nga fshati Isniq.
Deri më sot në komunën tonë janë të identifikuara 43 raste me virusin SARS-CoV-2. Prej tyre 15 të shëruar plotësisht dhe 28 raste janë akoma aktive. Kujdesuni për veten dhe familjen!”, ka shkruar Ramosaj në Facebook.
Ndryshe sot në vend është shënuar rekord i zi i vdekjeve, ku për 24 orë kanë humbur jetën 16 qytetarë dhe pozitiv kanë rezultuar 258. /Telegrafi/
