Ministria e Shëndetësisë informon se në 24 orët e kaluara, në dy testet e fundit kontrollues negativ kanë rezultuar 12 persona nga Shkupi, të cilët janë kuruar në kushte shtëpiake.
Me rastet e sotme numri i përgjithshëm i personave që e kanë kaluar coronavirusin shkon në 98.
Ndërsa nga ana tjetër në 24 orët e fundit është regjistruar edhe një viktimë nga Covid-19, me çka numri i përgjithshëm i atyre që e kanë humbur jetën shkon në 45.
Në 24 orët e fundit me coronavirus janë regjistruar 66 raste të reja, kurse numri i përgjithshëm i të infektuarve është 974.
Sipas të dhënave zyrtare, raste aktive në Maqedoninë e Veriut ka 831./Telegrafi/
