Sekretari i Përgjithshëm i Nisma për Kosovën, Bilall Sherifi, gjatë një interviste për Telegrafin ka thënë se kandidati për kryeministër nga koalicioni PDK-AAK-Nisma, Ramush Haradinaj, i ka siguruar partnerët e koalicionit se ka arritur t’i sigurojë deputetët e mjaftueshëm për formimin e Qeverisë.
“Nuk arsye të dyshoj në atë që thotë Haradinaj si mandatar. Formimi i Qeverisë do të ndodh menjëherë pas konstituimit të Kuvendit”, ka thënë Sherifi.
Ai ka theksuar se menjëherë pas certifikimit të rezultateve të zgjedhjeve të 11 qershorit, presidenti Hashim Thaçi duhet menjëherë të thërras seancën ku do të votohet krijimi i Qeverisë së ardhshme të Kosovës.
Sherifi ka shtuar se vendi ka ngecje në shumë fusha dhe se nuk duhet përsëritet ngërçi i vitit 2014.
Ai më tej ka theksuar se “nëse kjo qeveri do të krijojë shumicën e saj parlamentare përmes pazareve, kjo do të jetë e pamoralshme dhe e padrejtë”!
“Qeveria duhet të formohet me marrëveshje parimore e programore”, ka thënë ai. /Telegrafi/
