Shërbimi Sekret po dërgon përforcime në Wilmington, Delaware, duke filluar të premten për të ndihmuar në mbrojtjen e ish-nënpresidentit Joe Biden.
Një veprim i tillë, sipas medieve të huaja, përcjell Telegrafi, vjen ndërsa ekipi i fushatës së tij përgatitet për mundësinë që ai së shpejti mund të pretendojë fitoren në ofertën e tij për Shtëpinë e Bardhë, sipas dy njerëzve të njohur me planet.
Siç thuhet më tej, masat janë marrë me qëllim shmangien e çdo rreziku ndaj Biden, i cili në ditët në vijim pritet të mbajë edhe “fjalimin e fitores”.
Ndryshe, së fundmi është bërë e ditur se ish-zëvendëspresidenti Joe Biden tani po udhëheq në raport me presidentin Donald Trump në Georgia, një kthesë mahnitëse e ngjarjeve në një shtet dikur të besueshëm republikan që Trump duhet të fitojë në mënyrë që të rizgjidhet president.
Ndërkohë garë e ngushtë ndërmjet Biden dhe Trump po zhvillohet në dy shtete të tjera që mund të ndikojnë në fatin e garës, Nevada dhe Arizona.
Biden deri më tani ka 264 vota elektorale dhe Presidenti ka 214, sipas parashikimeve të The Guardian. /Telegrafi/