Sulmuesi anësor Bleart Tolaj e ka vlerësuar si shumë të rëndësishme fitoren e thellë të Ballkanit ndaj BATE Borosivit me rezultat 4-1, ku ai shënoi dy gola.
Ballkani mori fitore të madhe në ndeshjen e parë të play-offit të Ligën e Konferencës dhe me një hap është në fazën e grupeve të Ligës së Konferencës.
Tolaj që shënoi dy gola në fitoren e Ballkanit ka thënë se skuadra i meriton grupet.
“Duke pasur parasysh rastet që kishim, besoj që kemi mundur të shënojmë edhe më shumë gola. Me lojën tonë treguam paraqitje të mirë dhe nuk u dorëzuam edhe pse ishim në disavantazh”.
“Duke pasur parasysh se BATE është emër i madh që ka luajtur në fazën e grupeve të Ligës së Kampionëve, kemi ditur se do të jetë një kundërshtar i fortë por që e kemi analizuar mirë”.
“Me lojën dhe fitoren e arritur në këtë ndeshje, ne dëshmuam se meritojmë të luajmë në fazën e grupeve të Ligës së Konferencës. Rezultati i thellë, por duhet të shkojmë atje dhe të tregohemi të kujdesshëm”, ka thënë Tolaj.
Ndeshja kthyese zhvillohet pas një jave në Hungari në stadiumi ‘Varosi’ në qytetin Mezokovesdi, 140 km larg Budapestit. /Telegrafi/