Shembja e pjesshme e urës në Baltimore, raportohet për 20 punonjës në ujë – nuk ka të lënduar në anijen që u përplas në urë

Një anije për transportimin e mallrave u përplas sot me një urë të famshme në Baltimore, ku si pasojë ajo u shemb pjesërisht.

Nga kompania Synerg Marine Group që është në pronësi anija Dali që lundronte me flamurin e Singaporit, kanë konfirmuar se anija e tyre u përplas në urën Francis Scott Key në Baltimore, transmeton Telegrafi.

Gjithashtu u bë e ditur se nuk ka të lënduar nga ana e punonjësve të anijes Dali, kurse ekipe të shumta të shpëtimit kanë dalë në terren.

Lexo po ashtu Pas përplasjes me anijen e mallrave, shembet pjesërisht ura e famshme në Baltimore - publikohen pamjet rrëqethëse

“Shkaqet e sakta të përplasjes mbeten për t’u përcaktuar nga ekspertët e fushës”, kanë bërë të ditur nga kjo kompani.

Në anën tjetër nga departamenti i zjarrfikësve në Baltimore, është bërë e ditur se 20 punonjës kanë rënë në lumin Patapsco pas shembjes së pjesshme të urës Francis Scott Key. /Telegrafi/