Në qytetin rus Svobodni është shembur një urë në stacionin kryesor të trenave që lidh Moskën me Lindjen e Largët, me ç’rast është lënduar një person.
Në momentin e shembjes së urës mbi të po kalonte një kamion, kurse shoferi ka pësuar lëndime të rënda trupore, transmeton Telegrafi.
Besohet se shkak i shembjes së urës është kamioni me peshë të madhe që kalonte mbi të, kurse në videon e publikuar më poshtë që është filmuar nga kamerat e sigurisë, shfaqet momenti kur disa sekonda para shembjes kalon treni me dhjetëra vagonë.
Mediat lokale raportojnë se ekipet emergjente kanë dalur në vendin e ngjarjes për të ndihmuar të lënduarit, kurse në qytet është shpallur gjendje e jashtëzakonshme. /Telegrafi/
