Dy tërmete të fuqishme kishin goditur muaj më parë shtetin turk duke shkaktuar mijëra viktima dhe dëme të shumta materiale.
Një ndërtesë pesë katëshe e dëmtuar rëndë nga tërmetet është shembur vetvetiu në Malatya.
Në rajon janë dërguar zjarrfikëset, ekipet emergjente dhe ekipet e policisë, raporton t24.
Gjithashtu raportohet se po kërkohet një person që thuhet se ka mbetur nën rrënojat e apartamentit.
Kujtojmë se dy tërmete të fuqishme me magnitudë 7.7 dhe 7.6 shkallësh të Rihterit kanë goditur Turqinë më 6 shkurt.
Ndryshe, autoritetet turke kanë raportuar se deri më tani kanë vdekur mbi 50 mijë persona ndërsa janë shembur ose dëmtuar rreth 40 mijë ndërtesa. /Telegrafi/