Shtylla e reflektorëve të stadiumit që u shemb në mes të fushës, për pak sa nuk ua mori jetën nxënësve të një shkolle fillore, të cilët i shpëtuan vdekjes për pak centimetra.
Shtylla gjigante që mbante reflektorët e mëdhenj u shemb në stadiumin e shkollës Claskville në Arkansas, dhe për pak sa nuk i goditi tre nxënës përfshirë këtu edhe njërin që luante rolin e arbitrit, transmeton Telegrafi.
Edhe pse në shikim të parë dukej se të rinjtë nuk kishin gjasa t’i shpëtojnë vdekjes, pas përplasjes së shtyllës ata ngriten në këmbë edhe pse njëri raportohet se ka thyer këmbën.
Mediat amerikane raportojnë se erërat e forta ishin shkaktarë të shembjes së shtyllës se reflektorëve, që për pak sa nuk ua mori jetën nxënësve që luanin në fushë. /Telegrafi/
