Njohësi i politikave serbe, Fatmir Sheholli, njëherësh këshilltar i kryetarit të Komunës së Graçanicës, Vladeta Kostiq, ka thënë se fitorja e Aleksandar Vuçiqit në zgjedhjet për president të Serbisë ka qenë e pritur.
Madje ai ka thënë është pritur që kjo fitore e tij të jetë bindëse.
“Është fitore bindëse dhe kjo flet që ai në Serbi ka autoritet”, ka thënë Sheholli në Info Magazine të Klan Kosovës.
Më tej ai thotë se edhe dalja e serbëve në zgjedhjet presidenciale ka qenë masive.
Kjo ka ndodhur edhe në Kosovë. Sipas Shehollit në Komunën e Graçanicës, Vuçiq ka fituar 83 për qind të votave.
Sheholli madje thekson se ky rezultat ka ardhur nga puna e madhe që kanë bërë serbët për këto zgjedhje.
“Edhe në veri ka pasur fitore të jashtëzakonshme. Kundërkandiatët e tjerë radikalët kanë fituar shumë pak vota”, ka pohuar Sheholli.