Sheffield United ka arritur të shënojë fitore me rezultat 3-0 ndaj Chelseat në kuadër të javës së 35-të në Ligën Premier.
Lufta në Ligën Premier për një vend në Ligën e Kampionëve dhe atë të Evropës, po del të jetë mjaftë interesante në këto xhirot e fundit.
Sheffield sot ka marr një fitore të madhe ndaj Chelseat, edhe pse këta të fundit kishin më shumë nga loja, por në çastet vendimtare vendasit ditën t’i shënojnë golat.
Goli i parë erdhi në minutën e 18-të të ndeshjes kur David McGoldrick përfitoi nga një tollovi në zonë për ta çuar topin në rrjetë për 1-0.
David McGoldrick goal vs Chelsea (1-0)
— Premier League Goals ⚽️ (@PL_GOALS_) July 11, 2020
Chelsea u hodh në sulm për të barazuar rezultatin, por e pësoi të dutin.
Enda Stevens asistoi për Oliver McBurnie që shënoi për 2-0.
McBurnie goal vs Chelsea (2-0)
— Premier League Goals ⚽️ (@PL_GOALS_) July 11, 2020
Pjesa e parë u mbyll me këtë rezultat.
Në pjesën e dytë, Frank Lampard tentoi në të gjitha mënyrat që ta ngjall skuadrën, por ishte e pamundur
David McGoldrick shënoi golin e dytë personal në minutën e 77-të për 3-0, që ishte edhe rezultati përfundimtar i ndeshjes.
McGoldrick goal vs Chelsea (3-0)
— Premier League Goals ⚽️ (@PL_GOALS_) July 11, 2020
Chelsea mbetet në pozitën e tretë me 60 pikë, por Leicester dhe Manch ester United tani mund ta kalojnë, pasi kanë nga një ndeshje më pak.
Në anën tjetër Sheffield mban vendin e gjashtë me 54 pikë dhe ëndrron për nj vend në garat evropiane. /Telegrafi/