Një oficere e policisë është vrarë me armë zjarri sot në mëngjes derisa ishte ulur në automjetin policor në Nju Jork, njoftojnë autoritetet.
Miosotis Familia, 48-vjeçare, u qëllua me armë pak pas mesnatës derisa po rrinte ulur me partnerin e saj në automjetin policor në Bronx. Ajo ishte dërguar në spital, ku vdiq nga plagët, njofton Departamenti i Policisë në Nju Jork, transmeton Express.
Policia e ka quajtur këtë sulm të paprovokuar.
“Ajo ishte në detyrë, duke i shërbyer qytetit, duke i mbrojtur njerëzit, duke bërë atë në të cilën besonte dhe duke e bërë punën që e donte,” ka thënë kryetari i Nju Jorkut Bill de Blasio.
I dyshuari, Alexander Bonds, 34-vjeçar, dyshohet se e kishte nxjerrë revolen kur ishte konfrontuar nga oficerët.
Ai është qëlluar dhe vrarë nga policia një bllok më tej.