Pesë ditë bisedime që përfshinë Presidenti Barak Obama dhe udhëheqësit republikanë të Kongresit e që përfunduan të enjten, nuk arritën rezultat.
Ekspertët thonë se Kongresi duhet të rrisë tavanin e borxhit prej 14,3 trilion dollarësh deri në datën 2 gusht përndryshe qeveria nuk do të ketë më para.
Ekonomistët kanë paralajmëruar se kjo do të kishte pasoja serioze si për ekonominë amerikane ashtu edhe për tregjet globale financiare. Drejtori i Buxhetit në Shtëpinë e Bardhë, Jack Lew u tha gazetarëve se ka ende kohë për të arritur një marrëveshje. /Telegrafi/