Në një videomesazh presidenti amerikan Barack Obama tha se vendi i tij si mikpritës i konferencës së ardhshme në korrik të vitit 2012 do të angazhohet për përparime të fuqishme.
Shtetet e Bashkuara të Amerikës duan të marrin rolin drejtues në luftimin e AIDS-it, tha Obama. Në mbyllje të Konferencës së 18-të Botërore të Sidës, kryetarja e Shoqërisë Ndërkombëtare të Sidës, Françoise Barre-Sinoussi i bëri thirrje politikës që të sigurojë mundësitë e një trajtimi të duhur për pacientët e prekur me virusin HIV.
Nga shkenca kërkohet që të zhvillojë metoda më të thjeshta, më të lira dhe të efektshme. Industria farmaceutike duhet të jetë pjesëmarrëse më e fuqishme në luftë kundër Sidës. Në konferencën gjashtëditore për Sidën morën pjesë mbi 20 mijë shkencëtarë, mjekë dhe politikanë. /dw/