Telegrafi

SHBA-të kundër përshkallëzimit të konfliktit, nuk duan luftë me Iranin

Shtetet e Bashkuara po vlerësojnë ndikimin e sulmeve ajrore ndaj Houthi-ve të Jemenit, ka thënë Shtëpia e Bardhë.

Zëdhënësi John Kirby tha se sulmet, të kryera së bashku me Mbretërinë e Bashkuar, synonin aftësitë e grupit për të ruajtur, lëshuar dhe drejtuar raketat ose dronët e tij.

“Ne jemi ende duke bërë vlerësimin e ndikimeve aktuale në të gjitha këto objektiva. Puna është në vazhdim. Mendoj se do të kemi një vlerësim më të mirë të dëmeve të shkaktuara gjatë orëve të ardhshme”, tha ai.

Lexo po ashtu Incident i ri në Detin e Kuq pranë Jemenit - Houthit dyshohet se goditën me raketë një anije panameze

Zyrtari amerikan tha gjithashtu se SHBA-ja nuk po “kërkon konflikt” me Iranin, raporton skynews.

“Ne nuk po kërkojmë të përshkallëzojmë dhe nuk ka asnjë arsye që ajo të përshkallëzohet përtej asaj që ndodhi gjatë ditëve të fundit”, pohoi Kirby.

Ndryshe, Houthit mbështeten nga Irani dhe kanë kryer sulme në Detin e Kuq si hakmarrje ndaj veprimeve të Izraelit në Gaza. /Telegrafi/