Autoritetet amerikane të shëndetësisë kanë klasifikuar Shqipërinë në listën e vendeve ku të vaksinuarit mund të udhëtojnë lirisht për turizëm apo arsye biznesi.
Lajmin e bëri me dije Ambasadorja e SHBA në Tiranë, Yuri Kim, përmes një postimi në Twitter ku tha se Qendrat për Kontrollin dhe Parandalimin e Sëmundjeve (CDC) e kanë vendosur Shqipërinë në Nivelin 1, që do të thotë se qytetarët që janë plotësisht të vaksinuar mund të udhëtojnë në vend.
“Ky është një lajm i mirë për amerikanët që dëshirojnë të udhëtojnë në Shqipëri për qejf apo për biznes,” – shkroi ambasadorja Kim.
As of June 7, ?? CDC has upgraded Albania to “Level 1: Low Level of COVID-19”. This is good news for Americans who wish to travel to Albania for fun or business. See attached for CDC recommendations. https://t.co/wi94ojlNMR
— Ambassador Yuri Kim (@USAmbAlbania) June 8, 2021