Agjencitë shëndetësore amerikane kanë rekomanduar shtetet që të ndalojnë administrimin e vaksinës së coronavirusit Johnson&Johnson, pasi raportet për mpiksje të rrallë dhe të rëndë të gjakut u shfaqën në gjashtë gra.
Sipas mediave të huaja, përcjell Telegrafi, bëhet fjalë për vendin i cili deri më tani ka administruar më shumë se 6.8 milionë doza.
“Njerëzit që kanë marrë vaksinën J&J që kanë dhimbje të forta koke, dhimbje barku, dhimbje në këmbë ose gulçim brenda tre javësh pas vaksinimit duhet të kontaktojnë ofruesin e tyre të kujdesit shëndetësor”, kanë në një deklaratë të përbashkët Administrata e Ushqimit dhe Barnave (FDA) dhe Qendrat për Kontrollin e Sëmundjeve dhe Parandalimi (CDC).
Sipas The Guardian, të gjashtë gratë ishin midis moshës 18 dhe 48 vjeç.
Një grua vdiq, dhe një grua në Nebraska është e shtruar në spital në kujdesin kritik, sipas New York Times.
Vaksina e Johnson & Johnson është gjithashtu nën vëzhgim nga Agjencia Evropiane e Barnave, e cila po heton katër raste të mpiksjes së gjakut.
Po sipas The Guardian, për shkak se shtetet amerikane kontrollojnë vetë reagimin e tyre shëndetësor, agjencitë shëndetësore hartuan deklaratën e tyre si një rekomandim, edhe pse vendet federale do të ndalojnë menjëherë administrimin e vaksinës.
Pauza në administrimin e vaksinës Johnson&Johnson është e sigurt se do të jetë një goditje për fushatën amerikane të imunizimit, e cila ishte vendosur të administronte qindra mijëra doza.
Ndryshe, për dallim nga vaksinat e zhvilluara nga Pfizer dhe Moderna, vaksina e Johnson & Johnson kërkon vetëm një dozë për të provokuar imunitetin dhe mund të ruhet në një frigorifer të zakonshëm. Vaksina e Pfizer dhe Moderna kërkojnë ruajtje ultra të ftohtë dhe një regjiment me dy doza. /Telegrafi/