Përdoruesit e këtij operatori mobil do të mund ta blejnë këtë model të avancuar të telefonit pas datës 15 maj, ndërsa çmimi për HP Veer 4G është 99 dollarë, por vetëm pas nënshkrimit të një kontrate dy-vjeçare me operatorin.
HP Veer 4G bazohet në sistemin operativ të kompanisë Palm, webOS 2.1, ndërsa telefoni me ekran të ndjeshëm prej 2.6 inç dhe rezolucion prej 320 x 400 pikselëve posedon edhe tastierën e plotë QWERTY, si dhe kamerën me “geo-tagging” e cila vjen me 5 mega-piksel.
Specifikat tjera të HP Veer 4G përfshijnë edhe lidhjen WiFi, GPS, Bluetooth 2.1, 8GB memorie të integruar dhe bateri me 910 mAh. / Telegrafi /