Trajneri zviceran, Ottmar Hitzfeld ka folur për yllin kosovar Xherdan Shaqirin.
Ish- trajneri i Përfaqësueses së Zvicrës e ka komentuar golin spektakolar të Xherdan Shaqirit me gershër ndaj Polonisë.
Goli i gjilanasit u vlerësua si ndër më të mirët në kampionatet evropiane, ndërsa Hitzfeld ka thënë se Xherdani shënon gjithnjë gola të bukur.
“Shaqiri ka treguar edhe njëherë se është njeri për gola specifik. Goli i tij ishte i klasit botëror”, deklaroi Hitzfeld.
Tutje ish-trajneri i Bayernit e Dortmundit ka thënë se Xherdani do të transferohet së shpejti tek një klub i madh evropian.
“Ai tani duhet të stabilizohet tek Stoke duke luajtur rregullisht dhe në formë të mirë. Së shpejti do të jetë temë e medieve britanike për një transferim në një klub të madh. Kjo do të ndodhë”, deklaroi Hitzfeld. /Telegrafi/