Ai në këtë intervistë shpalosi pothuajse të gjitha kujtimet që nga fillimi i karrierës në Mal të Zi e deri te klubi i tanishëm, Peja.
“Kalova te MEB Prishtina, sepse e ndjeva se ishte momenti i duhur i karrierës sime që të largohesha nga Mali i Zi. Klubi im Primorka, përfitoi 30 mijë euro për transferimin tim në Prishtinë dhe këtu filloi karriera ime e bujshme”.
Kur u pyet se cilat janë ambiciet e tij këtë vit dhe se a ka gjasa që ta fitojë titullin me Pejën, Samiri u përgjigj: “Peja është në vendin e parë në këtë ligë dhe në këtë ekip kemi shumë emra të mëdhenj, siç është plejmejkeri i Polonisë, Dardan Berisha, i cili do të luajë në Kampionatin Evropian këtë verë”.
”Ekipi udhëhiqet nga njëri prej trajnerëve më të mirë kroatë, Rudolf Jugo. Ambiciet e klubit janë që ta fitojmë ligën dhe Kupën e Kosovës, por rivali ynë i përbetuar Prishtina e ka të njëjtin objektiv. Sidoqoftë, nuk dyshoj në aftësitë tona”.
Krejt në fund, Shaptahoviq tha se shpreson që basketbolli kosovar të pranohet sa më shpejtë në Evropë, sepse njerëzit e këtij vendi vërtet e meritojnë këtë. /Telegrafi/