Këngëtarja dhe modelja e popullarizuar shqiptare, Morena Taraku, sot (e mërkurë) feston ditëlindjen e 27-të.
Me këtë rast ajo ka marrë urime të shumta nga miqtë dhe familjarët e saj, teksa edhe ndjekësit kishin mundësinë ta urojnë përmes rrjeteve sociale.
Ndërkohë, disa nga miqtë më të mirë i rezervuan artistes nga Peja një befasi tejet të këndshme në shtëpinë e saj luksoze në Turqi.
Ata i kanë organizuar asaj një festë me tortë, qirinjë, shampanjë, tullumbace e po ashtu edhe me shumë dhurata të tjera.
Madje, në një moment për të bërë atmosferën edhe më të ‘zjarrtë’ ka performuar artistja e njohur turke, Asya Gashi, njëherësh mikesha e ngushtë e Morenës.
E njëjta ka ndarë pamje përmes llogarisë në Instagram nga festa e saj e e mahnitshme me shoqërinë, festë kjo që ishte mëse e kompletuar.
Morena përgjatë këtyre viteve ka publikuar një sërë projektesh, gjersa po vazhdon të jetë akoma shumë aktive në skenë.
Ajo për publikun u bë më e njohur në vitin 2010 kur edhe pikërisht në këtë vit u zgjodh “Miss Kosova”, për të debutuar më pas në muzikë.
“My Love”, “Lule”, “Love Love”, “Inat”, “Femnat”, “Ki me bo”, janë ndër projektet më të suksesshme të Morenës. /Telegrafi/
