Nisma Socialdemokrate ka mbështetur kërkesën e Qeverisë së Republikës, që Kuvendi i Kosovës të mbajë sot seancën e jashtëzakonshme që u lejon Ushtrisë së Kosovës angazhimin në misione paqeruajtëse në kuadër të ushtrive më të fuqishme të botës, respektivisht SHBA-së.
Kështu ka shkruar në një status në rrjetin social Facebook, Endrit Shala nga Nisma Socialdemokrate.
Sipas tij, si deputet i Kuvendit të Republikës së Kosovës, asgjë nuk do ia shtonte më shumë krenarinë, se sa t’i shohësh vajzat e djemtë e ushtrisë duke shërbyer krahas ushtrisë së SHBA-ve, për të siguruar paqe e liri kudo në botë.
Lexoni më poshtë statusin e plotë të Shalës:
Jam jashtëzakonisht i lumtur që seancën e parë të Kuvendit të Republikës së Kosovës për këtë vit, ta nisim me një lajm të mirë për qytetarët e Republikës së Kosovës, e sidomos për ushtarakët që shërbejnë në Ushtrinë e Kosovës.
Për ne NISMA Socialdemokrate dhe besojmë për secilin që e don këtë vend,
Ndaj ne si NISMA mbështesim fuqishëm kërkesën e Qeverisë së Republikës, që Kuvendi i Kosovës të mbajë sot seancën e jashtëzakonshme që u lejon Ushtrisë së Kosovës angazhimin në Misione Paqeruajtëse në kuadër të ushtrive më të fuqishme të botës, respektivisht aleatit tonë historik SHBA-së.
Për mua si deputet i Kuvendit të Republikës së Kosovës, asgjë nuk do ma shtonte më shumë krenarinë, se sa t’i shoh vajzat e djemtë e ushtrisë sonë, duke shërbyer krahas ushtrisë së SHBA-ve, për të siguruar paqe e liri kudo në botë.
Duke qenë i bindur se secili ushtar i Kosovës do e nderojë atdheun dhe flamurin e këtij shteti, nga zemra uroj secilin prej tyre për sfidën e re që i pret. /Telegrafi/
