Një tjetër ndeshje miqësore spektkolare është zhvilluar në Shtetet e Bashkuara të Amerikës në International Champions Cup.
Përballë njëra tjetrës ishin kampionët e Gjermanisë, Bayern Munich dhe ata të Anglisë, Manchester City që fituan 2-3.
Bayerni e nisi ndeshjen në mënyrë të mrekullueshme, ku vetëm pas 15 minutave kaluan në epërsi.
Mbrojtësi brazilian Rafinha harkoi bukur në zonë, ndërsa talenti i madh nga Kosova, Meritan Shabani shënoi golin e parë me fanellën e Bayernit për 1-0.
Nëntë minuta më vonë, Arjen Robben ngriti epërsinë e Bayernit në 2-0 dhe dukej se do të ishte një fitore e lehtë e bavarezëve.
City golin e parë e shënoi në fund të pjesës së parë me anë të Bernardo Silvas.
Sulmuesi i talentuar i Cityt, Lukas Mencha barazoi rezultat në 2-2 në minutën e 51-të.
Ndërkohë për rikthimin e madh të Cityt u përkujdes përsëri portugezi Bernardo Silva që shënoi 20 minuta para fundit për 3-2.
Pas tri ndeshjeve në International Champions Cup, Bayerni ka vetëm një fitore ashtu si edhe Manchester City. /Telegrafi/
GOOOOOOOL DEL BAYERN!!! GOOOL DE SHABANI QUE SE LEVANTA COMO EL QUE MÁS PARA MANDARLA AL FONDO!!
FC Bayern 1-0 Man City#InternationalChampionsCup #FCBayern #ManCity #Shabani pic.twitter.com/1mvpohaYNy
— ¡Bolita por favor! ⚽️ (@bolitaporfavor7) July 28, 2018
