Zgjedhjet lokale do të jenë matës real i fuqive të partive politike në Maqedoni për të vazhduar me veprimtarinë e tyre politike apo do të shkojnë në histori, si shumë parti shqiptare deri tani.
Komuna e Zhelinës është një ndër komunat ku partitë i kanë matur forcat në vendvotime, shkruan Telegrafi Maqedoni.
Partia Demokratike Shqiptare (PDSH) do të garojë me Sali Ajdinin nga fshati Trebosh. Jurist me profesion.
Bashkimi Demokratik për Integrim (BDI) do të garojë me kryetarin e deritanishëm të komunës, Fatmir Izairi nga Zhelina. Mjek me profesion.
Aleanca me shqiptarët gjithashtu do të garojë me mjek nga Zhelina. Bëhet fjalë me Reshat Aliun.
Lëvizja Besa do të sfidojë partitë tjera me juristin nga Kopaçindolli, Blerim Sejdiu. Me profesion Sejdiu është jurist.
Në zgjedhjet e fundit lokale të vitit 2013, nga 20.829 kanë dalë për të votuar gjithësejt 9.272 votues. Fitues atëherë doli kandidati i BDI-së, Fatmir Izairi me 1065 diferencë ndaj kandidatit të PDSH-së Latif Arifi.
Në zgjedhjet e fundit parlamentare të vitit 2016, rezultatet ishin si në vijim: PDSH mori 998 vota, BDI mori 3061 vota, Aleanca për shqiptarët kishte 605 vota kurse Lëvizja Besa kishte 3825 vota. /Telegrafi/