Newcastle United ka pasur një tjetër ofertë për Diego Carlos të refuzuar nga klubi spanjoll, Sevilla.
Sipas gazetës Marca, klubi anglez këtë herë ka ofruar 25 milionë euro, të cilësuara si të papranueshme nga drejtori sportiv i Sevillas, Monchi.
Monchi zgjati kontratat me Carlos dhe Fernando para Krishtlindjeve pasi të dy janë shtyllat e skuadrës së Julen Lopeteguit.
Klauzola e lirimit të të parit është 80 milionë euro dhe mendohet se Neëcastle do të shkonte deri në 45 milionë euro për të nënshkruar me qendërmbrojtësin brazilian.
Por, Sevilla nuk dëshiron të shesë. Ata janë aktualisht në vendin e dytë në La Liga, vetëm pesë pikë prapa Real Madridit me një ndeshje më pak.
Ata gjithashtu do të luajnë me Real Betis të shtunën në mbrëmje për një vend në të tetën e fundit të Copa del Rey. Ata duan të mbajnë lojtarët e tyre kyç.
Newcastle janë të etur për të përforcuar mbrojtjen e tyre dhe tashmë kanë nënshkruar me Kieran Trippier nga Atletico Madrid këtë afat kalimtar pas blerjes së tyre nga fondi i investimeve publike të Arabisë Saudite.
Ata po luftojnë për të shmangur rënien nga Liga Premier këtë sezon. /Telegrafi/