Lajmi se liberalizimi i vizave për shtetasit e Kosovës mund të shtyhet deri në vitin 2020, ka lënë të nervozuar shumë qytetarë të vendit.
Disa prej tyre madje kanë vendosur edhe të ironizojnë me këtë pritje disa vjeçare që bëhet tashmë për këtë çështje.
Ishte pikërisht komisionerit Johannes Hahn për zgjerim në BE, i cili gjatë vizitës së fundit në Kosovë bëri të ditur se liberalizimi mund të shtyhet deri në vitin 2020.
Aktori i njohur Sevdai Radogoshi, ka vendosur që lidhur me këtë çështje të realizojë një skeç humoristik, bashkë me djalin e tij.
Në rolin e tij popullor të njohur si ‘Qumili’, ai ka realizuar një video përmes së cilës “i çon të fala” Hahnit me ironi.
Si kundër djali i tij shihet duke shfaqur gishtin e mesit, me çka tregon në njëfarë forme revoltën e shqiptarëve të Kosovës lidhur me këtë vendim.
Videoja në fjalë është shpërndarë gjithandej në rrjetet sociale, duke u përcjellë me komente të shumta nga fansat.
Radogoshi gjithashtu do të realizojë edhe disa skeçe të veçanta për festat e fundvitit, siç bën zakonisht. /Telegrafi/