Këta foto janë pjesë e një albumi dasme. Një nuse e cila nuk ishte e kënaqur me fotot e bëra vetëm në një kishë, mendoi që të realizonte disa të tjera dhe zgjodhi një koloni pinguinësh në Antarktidë si sfond të saj.
Personazhi televiziv Janet Hsieh u martua me aktorin britanik George Young. Ajo ka vendosur që të ndajë online disa detaje të dasmës së saj.
36-vjeçarja e cila gjithashtu punon si një aktore dhe modele, ka thënë për “Q & A site Quora”, se ajo u frymëzua që të shkonte në kontinentin e bardhë, pasi e kishte parë nga larg atë gjatë një udhëtimi në Ushuaia, Argenina.
Pasi u fejua me Young, ajo nisi kërkimet dhe zbuloi se në Antarktidë kishte një kishë, në ishullin King George. “Ishte një kishë ruse ortodokse dhe bashkëshorti im është i pagëzuar. Ishte një sinjal nga Perëndia”, është shprehur ajo, transmeton shekulli.
Më pas ajo ka shtuar se e gjithë ceremonia ka zgjatur 15 minuta, por kjo ishte dëshira e saj më e madhe. “Ishte e magjishme. Nuk ishte shumë ftohtë, ashtu siç mendojnë të gjithë”, shprehet nusja.
