Bazuar në një njoftim zyrtar të Korporatës Energjetike të Kosovës (KEK), pas ndaljes nga puna, menjëherë ka filluar ftohja e kaldasë së njësisë A4 të TC “Kosova A”.
“Pas ftohjes do të fillojë sanimi i defektit dhe blloku do të kthehet në sistem sa më shpejtë të jetë e mundur”.
Ndryshe KEK-u ka njoftuar se sistemi energjetike në vend është duke u varur nga puna e njësive të TC “Kosova B”, B1 me 244 megavat orë energji dhe B2 e cila prodhon 276 megavat orë energji elektrike, HC “Ujmani” që gjatë pikut prodhon 32 megavat orë dhe importi rreth 110- megavat orë.
“ Pra, në dispozicion janë 662 megavat orë energji elektrike”.
Në njoftimin zyrtar të KEK-ut po ashtu thuhet se furnizimi aktual i konsumatorëve me energji elektrike është duke u bërë 24 me 0 për të gjitha kategoritë.
“Por me rritjen e kërkesës në orët e pikut, mund të ketë reduktime, për kategorinë A, 24 me 0 ose 5 me 1, kategorinë B, 5 me 1 ose 4 me 2 dhe për kategorinë C, 4 me 2 ose 3 me 3”. /Telegrafi/