Kapiteni i Spanjës, Sergio Ramos ka thyer rekordin e paraqitjeve ndërkombëtare në futbollin evropian pasi bëri paraqitjen e tij të 177-të për kombëtaren La Roja në barazimin 1-1 të Ligës së Kombeve ndaj Zvicrës.
Ramos udhëhoqi ekipin e Luis Enrique në Basel në një natë rekordi për mbrojtësin e Real Madridit.
Sipas konfirmimit zyrtar nga UEFA, Ramos është bërë lojtari me më së shumti paraqitje ndërkombëtare, pasi ai kaloi në këtë garë portierin Gianluigi Buffon.
Sidoqoftë, ndeshja përfundoi si mos më keq për 34-vjeçarin, pasi suksesi i tij i gjatë i penalltive të konkretizuara përfundoi kundër ekipit të Vladimir Petkovic.
177: 🇪🇸 Sergio Ramos becomes the most-capped European men's player ever! 👏👏👏#NationsLeague
— UEFA EURO 2024 (@EURO2024) November 14, 2020
Ramos humbi dy penallti në këtë ndeshje, apo më saktë iu priten nga portieri Yann Sommer, duke e prishur serinë prej 25 penalltive të shënuara radhazi.
Mbrojtësi i Realit humbi penalltinë e parë në minutën e 57-të, ndërsa të dytën në minutën e 80-të të takimit.
Menaxheri Luis Enrique ofroi mbështetjen pas mbylljes së ndeshjes, duke thënë se Ramos do të kishte goditur edhe penalltinë e tretë dhe katërt, ndërsa gjyqtari do t’i akordonte. /Telegrafi/
177 Spain games. @SergioRamos passes Gianluigi Buffon to become the most capped European player of all time 😤 pic.twitter.com/hnqyVpeUmF
— B/R Football (@brfootball) November 14, 2020