Sergio Aguero ishte stërvitësi më i keq në historinë gjatë ditëve të tij të para te Manchester City, por kur vinte puna për të përfunduar aksionin, ishte punë e kryer.
Këto janë fjalët e ish-mbrojtësit të Citizens, Micah Richards, i cili luajti së bashku me argjentinasin midis viteve 2011 dhe 2015, duke ngritur titullin e Ligës Premier së bashku me të në atë 2012.
Richards detajoi dashurinë e për ish-kolegun e tij në fillim të këtij viti, por pranoi se ai ishte lënë i tronditur nga qëndrimi i tij në stërvitje në krahasim me ndeshjet konkurruese.
Ai i tha BBC Sport: “Nga momenti kur ai hyri nga dera, ju jeni me frikë”.
“Ju keni atë ndjenjën e “wow”. E vetmja herë tjetër që pata atë ishte kur Robinho hyri nga dera”.
“Për ne që u rritëm, Shaun Goater ose Nicolas Anelka ishte një gjë e madhe – kështu që kur të vijë Aguero, nuk mund ta besoni se kjo po ndodh. Ai ishte stërvitësi më i keq në histori”.
“Ai kishte atë stil të qetë. Aguero thjesht do të shëtiste. Ndonjëherë ai nuk do t’i kishte as atletet e tij të lidhura. Por, në momentin që vinte në aksion te gola, ishte e përfundua”, ka shtuar më tej Richards.
Aguero u largua nga Manchester City si një legjendë, duke kompletuar sot (31 maj) kalimin te Barcelona si lojtar i lirë. /Telegrafi/