Drejtori i Zyrës për Kosovë në Qeverinë e Serbisë, Marko Gjuriq, ka deklaruar sot se punëtorët serb të Trepçës mund të llogarisin në çdo lloj mbështetje të Qeverisë së Serbisë dhe sipas tij Ligji për Trepçën i Kosovës nuk prodhon asnjë efekt juridik për shkak se ajo është anuluar me vendim të qeverisë serbe.
Ai ka përmendur mbështetjen e projekteve të reja për vitin e ardhshëm, sic është fabrika për prodhimin e baterive, me qëllim të hapjes së vendeve të reja të punës në këtë pjesë të Kosovës.
Gjatë vizitës që i ka bërë minatorëve të Trepçës në Leposaviq Gjuriq përcolli mesazhin se Trepça mund të llogarisin në mbështetjen e Qeverisë së Serbisë, jo vetëm politike, por edhe mbështetje juridike dhe financiare.
