Ndeshja e mbrëmshme futbollistike mes Shqipërisë dhe Ishujve Faroe, mbushi përplot stadiumin por edhe rrugët e Tiranës me tifozë të shumtë të kombëtares kuq e zi.
Kjo ndeshje e cila ishte e fundit e zhvilluar në ciklin për kualifikimet për Euro 2024, krijoji atmosferë të zjarrtë në stadiumin “Air Albania” në Tiranë.
E një moment qesharak ka krijuar themeluesi i faqes satirike CoolnFresh, Fisnik Çerkini, shkruan Telegrafi.
Teksa gazetarja e “abcnews” ishte duke raportuar live për atmosferën para fillimit të ndeshjes, Çerkini ia rrëmben mikrofonin për disa minuta dhe e pyet a “jena live”, dhe pastaj i dërgon një mesazh kombëtares së Serbisë.
“Serbi, Serbi e din ti”, janë fjalët e Çerkinit, që shkaktuan të qeshura. Video e këtij momenti është bërë virale.
Kujtojmë se momente të tilla u ndodhin shumë shpesh gazetarëve në mbarë botën. /Telegrafi/
