Senati konfirmoi të nominuarit për kabinetin e parë të presidentit Joe Biden të mërkurën në mbrëmje, duke votuar për të miratuar zgjedhjen për drejtorin e inteligjencës kombëtare, Avril Haines.
Sipas mediave të huaja, përcjell Telegrafi, konfirmimi i Haines si gruaja e parë për të udhëhequr komunitetin e inteligjencës amerikane, e cila u miratua në Senat nga 84 me 10, vazhdon një precedent të fundit të Senatit të konfirmimit të kandidatëve të Kabinetit ditën që betohet një president i ri.
Kështu, Haines do të bëhet gruaja e parë që do të shërbejë si drejtore e inteligjencës kombëtare, duke marrë përsipër një komunitet të inteligjencës që ishte “përçmuar dhe mënjanuar në mënyrë të përsëritur nga Trump gjatë katër viteve të tij në detyrë”.
Drejtori i inteligjencës kombëtare është zyrtari më i lartë i inteligjencës së presidentit dhe drejton një agjenci që koordinon të gjithë komunitetin e inteligjencës, një total prej 17 agjencish dhe organizatash. /Telegrafi/