“Me ndërrimin e kryeprokurorit publik fillon baza themelore e funksionimit të shtetit dhe së drejtës, gabimi i radhës do të ishte sikur kryeprokurori shtetëror të zgjidhet sërisht nga rradhët partiake”, vlerëson eksperti juridik Bashkim Selmani. Sipas tij, ai duhet të jetë i drejtë dhe i pavarur duke pasur parasysh se edhe ish kryeministri por edhe ai aktual janë të dyshuar dhe për ato duhet vërtetohet fajësia apo pafajësia e tyre.
“Duhet dhe pritet që të vihet në funksion shteti i së drejtës, por në rastë se do të zgjidheshte kryeprokurorë nga partitë qeverisëse politike ju garantoj që nuk na jep shumë shpresa. Në rast se zgjidhet një kryeprokurorë me pedigree dhe autoritet të besueshëm ndaj qytetarëve besoj që ato do të jenë momentet e para të vënies në funksion të shtetit dhe së drejtës” tha eksperti juridik, Bashkim Selmani.
Ai gjithashtu vlerësoi se duhet të bëhet revision i gjithë gjyqësisë dhe gjykatësit që kanë keqpërdorur pozitën duhet të përgjigjen për veprat e tyre.