Selena Gomez së fundmi bëri rikthimin e saj muzikor me albumin e ri “Rare”, të cilin e solli pas pesë viteve.
Por artistja me origjinë nga Teksasi tani po shijon mjaft kohë joproduktive ndërsa është izoluar mes pandemisë së COVID-19.
Ajo postoi disa fotografi ‘selfie’ të dielën në Instagram, e cila mori vëmendje të madhe nga fansat me pamjen e saj të mrekullueshme.
Ajo goditi me një shkëlqim të buzëve dhe me një stil të veçantë të flokëve, që e bënë të dukej edhe më tërheqëse.
27-vjeçarja muajin e kaluar tregoi se ka nisur linjën e saj të bukurisë “Rare Beauty”, por që ka ngecur mes bllokimit nga coronavirusi.
Artistja e “The Look At Her Now” gjatë një live në Instagram tha, “Unë jam akoma duke bërë telefonata me Zoom, ata më dërgojnë gjërat dhe paletën e ngjyrave dhe të gjitha llojet e sendeve. Kështu që ne po përgatitemi, por thjesht nuk e di kur do dalë Rare Beauty”.
“Dua të them që është mirë të mos dini se çfarë të bëni me pjesën tjetër të jetës tuaj. Është një udhëtim për të gjetur drejtimin tuaj ose pasionet tuaja, kështu që mos u zhgënjeni nga gabimet dhe pengesat siç ndodhin me të gjithë ne”, ka thënë Gomez në një tjetër postim, duke inkurajuar të gjithë t’i ndjekin ëndrrat e tyre përkundër problemeve që mund të hasin gjatë jetës. /Telegrafi/