Selena Gomez ka thyer rekordin në Instagram duke u bërë femra më e ndjekur në platformë me 400 milionë ndjekës.
Ish-ylli i “Disney”-t e shënoi këtë arritje më 17 mars, vetëm tre muaj pasi u kthye në Instagram.
Ajo e kaloi Kylie Jennerin, e cila më parë mbante titullin me 382 milionë ndjekës.
Popullariteti i Gomez në Instagram nuk ka nisur tani. Ajo ka qenë prej vitesh një nga personazhet më të ndjekur në platformë.
Megjithatë, rrugëtimi i saj me rrjetet sociale ka qenë i vështirë.
Në një intervistë të vitit 2021 me “Vogue”, këngëtarja zbuloi se fshiu aplikacionin nga telefoni i saj në vitin 2019, pasi filloi të ndikonte në shëndetin e saj mendor.
Cristiano Ronaldo, Lionel Messi and Selena Gomez are the only people to surpass 400 million followers on Instagram. pic.twitter.com/MnHPAn7068
— Pop Base (@PopBase) March 17, 2023
“Në një moment Instagrami u bë e gjithë bota ime dhe ishte vërtet e rrezikshme”, tha ajo për InStyle në vitin 2022.
Rritja e famës së Gomez në Instagram ka qenë mbresëlënëse, dhe arritja e saj e fundit rekord është duartrokitur nga fansat dhe ndjekësit.
Selena Gomez, the first woman who has reached 400 Million Followers on Instagram, is one of the best examples of how she always uses her platform to promote love and acceptance, spread the awareness of mental health, and to help others. pic.twitter.com/tmSVxl1gLg
— Pop Hive (@thepophive) March 17, 2023
“Ajo është një frymëzim për miliona njerëz dhe kjo arritje thjesht e dëshmon këtë”, tha një fans në Twitter.
Autorja e hitit “Calm Down” është femra më e ndjekur në Instagram, por jo personi më i ndjekur.
Titulli i takon futbollistit Cristiano Ronaldo, i cili ka 562 milionë ndjekës. /Telegrafi/