Një sasi lënde narkotike, e dyshuar si heroinë, është gjetur në kabinën e një kamioni që do të udhëtonte mbrëmjen e sotme drejt Italisë.
Policia bën të ditur në një deklaratë se është kapur një sasi prej 11.395 kilogramësh heroinë. Kamioni që po kryente procedurën e imbarkimit në tragetin e linjës Durrës -Ankona që niset nga Durrësi në orën 19:00 kishte ngarkesë konfeksionesh për tregun italian.
Policia bën të ditur se kishte informacione paraprake për ngarkesën e paligjshme në kamion, e cila është zbuluar nën krevatin e shoferit në një vend të fshehtë pas kontrollit të imtësisht me qenin antidrogë dhe fibroskop u gjet droga.
Bujar Shazivari, drejtuesi i kamionit me targa AA 943 OO është ndaluar nga policia kufitare. /Telegrafi/