Deputeti i Vetëvendosje, Dardan Sejdiu ka thënë se të shtunën mund të kërkohet shtyreje të seancës së Kuvendit, e cila është thirrur të votohet qeveria.
Ai këtë e lidhë me shkuarjen e Listës Serbe në Beograd për tu konsultuar me politikanët serbë, para vendimit për votimin e Qeverisë Haradinaj, njofton Klan Kosova.
“Edhe Hoxhaj mund të dalë e të kërkojë pauzë pasi që është mësuar ta bëjë këtë disa herë”.
“Këta nesër do të qëndrojnë në Beograd për të marrë bekimin e Vuçiq dhe Gjuriq që të jenë në kuvend dhe të votojnë Haradinaj për kryeminsitër”, ka thënë Sejdiu në Ora e Fundit.
“Është për të ardhur keq që agjendën po e përcakton Lista Serbe, pasi që ekzisotn PAN që dëshiron të mos e kuptojë se vota popullore nuk është tek ta”.
“Takimi në Beograd me qeverinë serbe është në orën 13:00 konferencë kanë thirrur për në orën 14:00, kurse te ne seanca është thirru për orën 16:00, kështu që duket shumë e vështirë se deputetët e Listës Serbe do të mund të arrijnë në kohë”,
“Agjenda e Beogradit po e përcakton agjendën e Republikës së Kosovës”, ka shtuar Sejdiu.
Ai ka thënë se seanca për votimin e qeverisë do të thirret në bazë të tekeve të Beogradit.
“PAN ia ka hapur dyert gjerë e gjatë Listës Serbe që të kontrollojë gjithçka në Kosovë”, ka shtuar ai.
Sejdiu ka thënë se vota për Haradinajn kryeministër i Kosovës, nënkupton krijimin e “Zajednicës”.
Prandaj ai është shprehur se është kundër zgjedhjes së tij në krye të eksekutivit, njofton Klan Kosova.
“Shpresoj që nuk do të votohet. Kosovës nuk i duhet varësi prej Serbisë”.
“Çdo vendim i kësaj qeverie do të varej nga Lista Serbe. Kjo qeveri po formohet më bekimin e presidentit të Serbisë, Aleksandër Vuçiq”, ka thënë Sejdiu në Ora e Fundit.
Ai ka theksuar më tej se Lista Serbe e ka të pamundur që të vijë në Kosovë nga Beogradi në kohën kur është thirrur seanca. Ai shprehet kështu se edhe mund të ketë shtyerje të kësaj seance. /Klan Kosova/