Pas “Ride It”, duket se “Secrets” është projekti i radhës i DJ Regard që e ka bërë atë një artist edhe më të suksesshëm.
“Secrets”, që u publikua këtë prill në bashkëpunim me artisten Raye, u prit dhe u vlerësua mjaft mirë.
Së fundmi u bë e ditur se për këtë këngë, Dardan Aliu (emri i vërtetë) u fut në listën e 100 artistëve me ‘këngët më të mira të vitit 2020’ nga ‘Apple Music’.
Për këtë, një falënderim nuk ka munguar as nga ana e artistit, i cili falënderon platformën e njohur si dhe të gjithë dëgjuesit.
“100 këngët më të mira të vitit 2020. Faleminderit nga Apple Music. Faleminderit për të gjithë dëgjuesit në Apple Music”, ka thënë ai.
Krahas kësaj, DJ nga Ferizaj javën e kaluar publikoi statistikat e tij në Spotify, duke treguar se në vitin 2020 kishte grumbulluar 653.2 milionë dëgjime në 92 vende të ndryshme. /Telegrafi/