Në Gjykatën Penale në Shkup për sot janë planifikuar seanca të reja për dy lëndë të PSP-së “Tenderët” dhe “Dhuna në Qendër”.
Lëndën për “Dhunën në Qendër” që ka ndodhur në qershor të vitit 2013, e udhëheq gjykatësi Dushan Josifov, ndërsa përfaqësues i aktakuzës është Gavrill Bubevski, përcjell Telegrafi Maqedoni.
Në këtë rast të akuzuar janë disa persona, në mesin e të cilëve Nikolla Gruevski, Mile Janakieski, si dhe ish-këshilltarja e OBRM-PDUKM-së Daniella Rangellova, si dhe tetë persona tjerë.
Ndërsa në rastin “Tenderët” e akuzuara e parë është ish-ministrja e Kulturës, Elizabeta Kançeska-Milevska.
Kjo lëndë udhëhiqet nga gjykatësi Osman Shabani dhe ndodhet në procedurën e dëshmive.
Sipas aktakuzës, disa nga punët ndërtimore në Muzeun e OBRM-PDUKM-së janë kryer në favor të personit juridik “Beton” nga Shtipi. Para njoftimit për dhënien e një kontrate dhe para se të vazhdohet me procedurën, në kundërshtim me Ligjin për shpallje publike, Kanceska-Milevska, përmes diskutimeve me Drejtorin e Përgjithshëm të Ndërmarrjes së Ndërtimit “Beton” nga Shtipi, urdhëroi që Muzeu të vazhdojë të funksionojë, ku ndërtimi ishte kryer pas një kontrate të lidhur më parë të prokurimit publik.