Sean Penn u shfaq në Festivalin Ndërkombëtar të Filmit në Marrakesh, ku u vlerësua për karrierën e tij të suksesshme.
Aktori 64-vjeçar ka pozuar në tapetin e kuq me modelen Valeria Nicov dhe kështu ka konfirmuar se janë në një lidhje.
Domethënë, ndonëse paparacët i filmuan duke u puthur në rrugë në Madrid në fillim të shtatorit, e më pas u filmuan edhe në aeroport, aktori dhe e dashura e tij 30 vite më e vogël akoma nuk e pranuan se janë çift.
Kush është Valeria Nicov?
Aktorja vjen nga kryeqyteti moldav, Kishinau dhe merret me modeling. Nuk dihet saktësisht se sa vjeç është, por besohet se i ka kaluar të 20-at. Rastësisht, e dashura e re e Penn është më e vogël se fëmijët e tij, vajza Dylan Frances (33 vjeçe) dhe djali Hopper Jack (31 vjeç).
Aktorja njihet se flet shtatë gjuhë dhe aktualisht jeton në Francë, dhe luajti në hitin e Netflix “Emily in Paris”.
Aktori ka tri martesa të dështuara pas tij. Ai ishte i martuar me Madonnan nga viti 1985 deri në vitin 1989, më pas në vitin 1996 u martua me Robin Wright, nga e cila u nda në vitin 2010, me të cilën ka dy fëmijë. Ai u divorcua nga aktorja australiane Leila George, 32 vjet më e vogël se ai, pas një viti martesë.
Pas kësaj, u pa duke u argëtuar me aktoren ukrainase Olga Korotkova, 19 vjet më e re, dhe më pas me aktoren australiane Nathalie Kelley, 24 vjet më e re. /Telegrafi/
