Disa ditë më parë Oprah Winfrey mbajti një fjalim mbresëlënës në ceremoninë e ndarjes së çmimeve “Golden Globes”.
Ajo mbështeti fushatën kundër abuzimit seksual të femrave “Metoo”, por duket se kjo nuk i pëlqeu këngëtares Seal, e cili e cilësoi si hipokrite 63-vjeçaren.
“Për një kohë të gjatë, askush nuk besoi se do të mund të guxonin të tregonin të vërtetën rreth fuqisë së vërtetë të këtyre meshkujve”, tha Oprah Winfrey.
Seal përmes vetëm një fotografie shpjegoi pse udhëheqësit dhe manjatët e mediave kanë qenë pjesë e këtyre problemeve për vite me radhë.
Ai publikoi një fotografi në llogarinë personale të Instagramit që kishte të bënte me të kaluarën e Oprahs teksa e puthte Harvey Weinstein ndërsa disa vjet më vonë flet për të njëjtin problem që ishte edhe vetë pjesëmarrëse.
“Oh, harrova. Epo, edhe ju i keni dëgjuar thashethemet, por nuk e ke pasur idenë se me të vërtetë po abuzohen aktoret e reja, të cilat nuk e kanë idenë se ku janë futur. Më vjen keq, gabimi im”, shkroi 54-vjeçari.
Ndryshe, shumë analistë dhe media botërore e cilësuan fjalimin e Winfreyt si fushatë për zgjedhjet presidenciale të vitit 2020 në SHBA. /Telegrafi/