Eminem ka zbuluar se do të bëhet gjysh, pasi vajza e tij biologjike dhe më e re, Hailie Jade, është në pritje të fëmijës së saj të parë me bashkëshortin Evan McClintock.
Reperi 51-vjeçar e ndau këtë lajm të lumtur në videon muzikore për këngën e tij “Temporary”. Në fund të videos, ai ka përfshirë pamje të vjetra të Hailie-s dhe një moment emocionues ku ajo i zbulon lajmin se është shtatzënë.
Hailie Jade ka lindur më 25 dhjetor 1995 dhe është fëmija i vetëm biologjik i Eminemit me ish-bashkëshorten e tij, Kim Scott.
Ajo ka një motër më të madhe, Alainë Marie Scott (31 vjeçe), të cilën Eminemi e adoptoi në vitin 2002, dhe një tjetër motër, Stevie Laine, të cilën e adoptoi nga një lidhje e mëparshme e Kim-it.
Hailie ka diplomuar në psikologji nga Universiteti i Shtetit të Michiganit në vitin 2018 dhe vitet e fundit ka krijuar podkastin e saj “Just A Little Shady” dhe një linjë mode.
Ajo u martua në maj të këtij viti me partnerin e saj të gjatë, Evan McClintock, dhe ndau momente të bukura nga ceremonia në rrjetet sociale, duke përshkruar se sa e mbushur me dashuri dhe emocione ishte dita e tyre e veçantë.
McClintock, i cili ka diplomuar në ekonomi në vitin 2018 dhe punon si drejtor zhvillimi në një kompani softuerësh, ka treguar në podkastin e Hailie-s se i kërkoi Eminemit lejen për të propozuar gjatë festës së Krishtlindjeve të kaluar, kur Hailie po festonte ditëlindjen. /Telegrafi/
