Në Klinikën e Mjekësisë Fizikale me Reanimim në QKUK mungojnë pajisjet, kurse sipas drejtuesve të saj së shpejti do të nis ndërtimi i një objekti të ri për këtë Klinikë.
Hydajete Qunaku ka 6 javë që vjen çdo ditë në Klinikën e Mjekësisë Fizikale në QKUK. Por mungesa e pajisjeve po ndikon që ajo të mos i kryej të gjitha terapitë e rekomanduara nga mjekët.
Mungesa e pajisjeve nuk është i vetmi problem në këtë klinikë për Hydajeten, e cila është hospitalizuar pas problemeve që ka në boshtin kurrizor. Ajo po e ka problem të qëndrojë në shtratin ku është shtrirë për trajtim, pasi ai është i dëmtuar.
Zëvendës drejtoresha e Klinikës së Mjekësisë Fizikale, Valbona Krasniqi pranon se klinika ballafaqohet me mungesë të pajisjeve dhe aparaturës së nevojshme, mirëpo problem i madh, sipas saj, është edhe hapësira e kufizuar dhe numri i madh i pacientëve.
Ministria e Shëndetësisë nuk ka pranuar të prononcohet në lidhje me këtë çështje.
Ndërsa, sipas zëvendësdrejtoreshës së Klinikës së Mjekësisë Fizikale, pritet që shumë shpejt, të fillojë ndërtimi i një objekti të ri të kësaj klinike./RTV Dukagjini/Telegrafi/
