Se ishte një ndeshje jetike e dëshmon edhe festimi i çmendur i Xhakës me trajnerin e Zvicrës

Zvicra arriti të bënte atë që ishte e paimagjinueshme, pasi e eliminoi fituesin e Kupës së Botës dhe një super skuadër si Franca, nga Euro 2020.

Helvetikët arritën që kohën e rregullt ta mbyllin me barazimin 3-3 edhe pse ishin duke humbur 3-1.

Kjo bëri që ndeshja që të shkonte në vazhdime, mirëpo aty nuk pati gola, dhe sfida më pas shkoi në penallti.

Lexo po ashtu I futur në rreth dhe me një fjalim të zjarrtë - zbulohen fjalët e Xhakës që ndihmuan ekipin e Zvicrës për të eliminuar Francën

Aty, Zvicra shënoi pesë nga pika e bardhë, derisa Les Blues realizuan katër, me Kylian Mbappen që e humbi të fundit.

Pas konfirmimit se kaluan në çerekfinale, Granit Xhaka dhe trajneri Vladimir Petkovic festuan si të ‘çmendur’ duke ditur se kishin mposhtur një skuadër me lojtarë tejet cilësorë.

Kujtojmë se në çerekfinale, Zvicra do të takohet me Spanjën, që eliminoi Kroacinë në vazhdime me rezultat 5-3. /Telegrafi/