Ish-mesfushori i Manchester Unitedit, Bastian Schweinsteiger thotë se stili i tyre i lojës është arsyeja se pse nuk po mund të përshtatet Paul Pogba.
Francezi 26-vjeçar është lidhur shumë me një largim nga Old Trafford, ku raportohet se Real Madridi dhe Juventusi janë të interesuar për lojtarin.
Schweinsteiger beson se klubi nuk duhet të qëndrojë në rrugën e lojtarit dhe sa më shpejt duhet ta shesë.
“Nëse një lojtar dëshiron të largohet nga klubi, nuk duhet ta ndalosh atë. Ju duhen lojtarë që janë 100 për qind të gatshëm për ekipin. Kjo është mënyra e vetme për të mbijetuar në nivelin e lartë dhe të keni sukses”.
“Paul është një lojtar i shkëlqyeshëm. Ai thjesht po kërkon një ekip ku mund të luajë të njëjtin stil që bën me kombëtaren e Francës”, tha gjermani për BBC Sport.
Ndryshe, 34-vjeçari ka luajtur në Old Trafford për dy vjet, duke bërë 18 paraqitje për Djajtë e Kuq. /Telegrafi/