Kancelari gjerman Olaf Scholz është takuar me presidentin kinez Xi Jinping gjatë vizitës së parë të një udhëheqësi të vendeve të Grupit të Shtatë (G7) në Kinë në tre vjet.
Duke udhëhequr një delegacion të nivelit të lartë biznesi në Kinë të premten, fokusi i liderit gjerman në rritjen e lidhjeve ekonomike me Pekinin ka çuar në kritika për dëshirën e tij të dukshme për të arritur marrëveshje me një komb që po bëhet më autoritar nën Presidentin Xi, shkruan Al Jazeera, përcjell Telegrafi.
Varësia e madhe e industrisë gjermane nga Kina është përballur gjithashtu me një rishikim të ri, veçanërisht mbi varësinë e tepërt të Berlinit nga importet ruse të energjisë, me vendin thellësisht të ekspozuar kur Moska ndërpreu furnizimet në hakmarrje për sanksionet e vendosura për fillimin e agresionit në Ukrainë.
Mbërritja e Scholz në Pekin shënoi vizitën e parë të një udhëheqësi të G7 – Kanada, Francë, Gjermani, Itali, Japoni, Mbretërinë e Bashkuar dhe Shtetet e Bashkuara – që nga fillimi i pandemisë së shkaktuar nga COVID-19 në vitin 2019.
Scholz has landed in Beijing pic.twitter.com/iJtveToBIQ
— Richard Walker (@rbsw) November 4, 2022
Gjatë një takimi ballë për ballë me Scholz të premten, Xi tha se si kombe të mëdha me ndikim, Kina dhe Gjermania duhet të punojnë së bashku gjatë “kohëve të ndryshimit dhe trazirave” për hir të paqes botërore, sipas transmetuesit shtetëror CCTV.
E Scholz i tha Xi se ishte mirë që të dy udhëheqësit po takoheshin personalisht gjatë kohërave të tensionuara, me pushtimin rus të Ukrainës që ka krijuar probleme për rendin ndërkombëtar të bazuar në rregulla, sipas një reporteri të Reuters që shoqëronte delegacionin e Scholz.
Përpara vizitës, politikani gjerman i opozitës Norbert Roettgen i tha gazetës Rheinische Post se qasja e Scholz-it ndaj Pekinit dukej se mbështetej nga ideja se “ne duam të vazhdojmë të bëjmë biznes me Kinën, pavarësisht se çfarë do të thotë kjo për varësinë e ekonomisë sonë dhe për aftësinë tonë për të vepruar”.
Ndërsa Berlini thotë se ka pasur konsultime me partnerët kryesorë në SHBA dhe Evropë përpara vizitës dhe Scholz premtoi gjithashtu një “shkëmbim të sinqertë” me liderët kinezë për tema të ndjeshme. /Telegrafi/